Beicio
Darganfod ble gallwch chi feicio yng Nghymru a...
Pecynnau darganfod
Beth am fenthyg gwarbac a darganfod mwy o'r awyr agored yn ein canolfannau ymwelwyr
Diweddariad coronafeirws
Mae ein safleoedd a’r rhan helaeth o’n cyfleusterau i ymwelwyr ar agor.
Rydym wedi newid ychydig ar rai o’n llwybrau arferol er mwyn eich helpu i allu cadw at ymbellhau cymdeithasol - dilynwch arwyddion ar y safle.
Mae ein gwarbaciau darganfod am ddim yn cynnig help llaw i ymwelwyr ifanc i ddod yn agos at natur.
Gallwch fenthyg gwarbac ar eich ymweliad â:
- Chanolfan Ymwelwyr Bwlch Nant yr Arian, ger Aberystwyth
- Canolfan Ymwelwyr Coed y Brenin, ger Dolgellau
- Canolfan Ymwelwyr Gwarchodfa Natur Genedlaethol Dyfi: Ynys-las, ger Aberystwyth
Beth sydd mewn gwarbac?
Mae pob gwarbac darganfod yn cynnwys pethau da a defnyddiol fel ysbienddrych, chwyddwydr, pot chwilod a chardiau adnabod natur, ynghyd â chanllaw yn egluro sut i'w defnyddio.
Mae'r gwarbaciau hefyd yn cynnwys rhai heriau i helpu i ddechrau eich helfa natur.
Mentrwch i rwbio rhisgl, rhowch gynnig ar wylio adar, neu dechreuwch chwilio am fwystfilod bach yn y goedwig.
Sut mae benthyg gwarbac?
- Nid oes tâl am fenthyg gwarbac darganfod
- Gofynnir i riant neu oedolyn arall lenwi ffurflen gofrestru fer a gadael ernes
- Caiff gwarbaciau eu dosbarthu wrth gyrraedd ac ni ellir eu harchebu ymlaen llaw
- Dylid dychwelyd gwarbaciau i'r ganolfan ymwelwyr ar ôl eu defnyddio
- Nifer gyfyngedig o baciau sydd ym mhob canolfan ymwelwyr ac fe'u dyroddir ar sail y cyntaf i'r felin
