Mae eich rhif ffôn wedi cael ei ychwanegu dros dro i'n gwasanaeth rhybuddion llifogydd sylfaenol

Camau nesaf

Er mwyn parhau i dderbyn rhybuddion llifogydd cofrestrwch i dderbyn y gwasanaeth rhybuddio llawn yn rhad ac am ddim.

Gallwch gofrestru ar-lein neu drwy ffonio Floodline 24 awr y dydd 0345 988 1188.

Bydd negeseuon rhybuddion llifogydd yn dweud: 

• pryd a ble mae disgwyl llifogydd
• cyngor am beth i'w wneud

Gallwch ddewis sut i dderbyn y negeseuon hyn, er enghraifft trwy ffôn, neges testun, neu ebost, ac os hoffech dderbyn y negeseuon yn Gymraeg neu Saesneg. Gallwch ganslo'r gwasanaeth trwy ffonio Floodline. 

Gallwch ganslo'r gwasanaeth trwy ffonio Floodline.

Rhifau ffôn mewn ardaloedd pergyl llifogydd

Mae eich rhif ffôn wedi cael ei ychwanegu at ein gwasanaeth rhybuddion llifogydd sylfaenol gan ei fod wedi'i gofrestru i gyfeiriad mewn ardal pergyl llifogydd.

Mae darparwyr ffonau symudol a llinellau tir wedi darparu’r rhifau ar gyfer eiddo sydd mewn perygl, gan roi cyfle i ni gyrraedd at bobl nad ydynt efallai yn gwybod am ein gwasanaeth rhybuddion llifogydd am ddim.

Gwybodaeth bersonol

Os ydych wedi derbyn neges am gael eich ychwanegu at y gwasanaeth, nid ydym yn gwybod eich enw na’ch cyfeiriad.

Pan fyddwch yn cofrestru ar gyfer y gwasanaeth rhybuddion llifogydd llawn, byddwn yn cofnodi eich enw, eich cyfeiriad a’ch manylion cysylltu.

Byddwn yn defnyddio eich gwybodaeth bersonol yn unig at ddibenion sy'n gysylltiedig â rhybuddion llifogydd.

Asiantaeth yr Amgylchedd sy'n rheoli systemau gwasanaeth rhybuddion llifogydd yr ydym yn eu defnyddio. Mae eu nodyn preifatrwydd yn esbonio sut maen nhw'n delio a'ch gwybodaeth. Gall Cyfoeth Naturiol Cymru brosesu data ar gyfer cwsmeriaid yng Nghymru yn unig. Gweler ein hysbysiad preifatrwydd. 

Deall eich pergyl llifogydd

Os ydych wedi cael eich ychwanegu at ein gwasanaeth, mae hyn yn golygu bod eich cyfeiriad mewn ardal perygl llifogydd. Nid yw’n golygu fod disgwyl llifogydd ar hyn o bryd.

Gweld eich risg llifogydd neu chwilio ar fap

Gweld ein rhybuddion llifogydd i weld os oes unrhyw rybuddion ar gyfer eich ardal ar hyn o bryd.

Mathau o rybuddion llifogydd

Mae gan ein gwasanaeth rhybuddion llifogydd dri math o rybudd: 

	Llifogydd – Byddwch yn Barod Mae llifogydd yn bosibl. Byddwch yn barod Byddwch yn barod i weithredu eich cynllun llifogydd Paratowch becyn llifogydd o eitemau hanfodol Monitrwch lefelau dŵr lleol a’r rhagolwg llifogydd ar ein gwefan
	Rhybudd llifogydd Mae disgwyl llifogydd. Angen gweithredu ar unwaith.  Symudwch deulu, anifeiliaid anwes ac eitemau gwerthfawr i fan diogel Diffoddwch gyflenwadau nwy, trydan a dŵr os yw’n ddiogel i wneud hynny Rhowch offer diogelu rhag llifogydd yn eu lle
	Rhybudd Llifogydd Difrifol Llifogydd difrifol. Perygl i fywyd.  Arhoswch mewn man diogel a sicrhewch fod gennych chi fodd o ddianc Byddwch yn barod i adael eich cartref Cydweithredwch â’r gwasanaethau brys Ffoniwch 999 os ydych mewn perygl enbyd

Pan fyddwch yn cofrestru ar gyfer y gwasanaeth rhybuddion llifogydd llawn gallwch ddewis derbyn Rhybuddion llifogydd - byddwch yn barod. Mae'r rhain yn rhoi rhybudd cynnar o lifogydd posibl.

Gallwch hefyd ddewis cael gwybod pan fydd y rhybuddion yn dod i ben ar gyfer eich ardal.

Optio allan o'r gwasanaeth rhybuddion llifogydd

Gallwch optio allan gwasanaeth trwy ffonio Floodline:

Ffôn: 0345 988 1188

Type talk: 0345 602 6340

Mwy am costau ffonio.

Siaradwch ag unigolyn ynglŷn â hyn

Os hoffech gael mwy o wybodaeth am y gwasanaeth rhybuddion llifogydd, sut cawsoch eich ychwanegu, neu beth i'w wneud, ffoniwch Floodline ar 0345 988 1188 neu cysylltwch â ni.