Arbenigwr Tir Halogedig

Tîm / Cyfarwyddiaeth: Geowyddoniaeth / Tystiolaeth Polisi a Thrwyddedu

Cyflog cychwynnol: £41,132 yn codi i £44,988 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Rhif swydd: 201484

Y rôl

Rydym yn chwilio am Arbenigwr Tir Halogedig deinamig a phrofiadol i gymryd yr awenau wrth ddarparu asesiadau technegol arbenigol a chyngor ar dir halogedig ar gyfer datblygiadau newydd. Mae hyn yn cynnwys gwerthuso adroddiadau ymchwilio safleoedd, cynnal asesiadau risg dyfroedd rheoledig, adolygu datganiadau adfer, a gwirio adroddiadau adfer.

Yn y rôl ganolog hon, bydd eich arbenigedd technegol yn cyfrannu'n uniongyrchol at lunio polisïau, rhaglenni, cynlluniau, strategaethau a chanllawiau CNC. Byddwch hefyd yn chwarae rôl gynghorol allweddol i Lywodraeth Cymru, ac yn cynorthwyo i ddatblygu deddfwriaeth a chanllawiau, tra'n cefnogi amrywiol Weithgorau'r UE, y DU a Chymru.

Byddwch yn cydweithio'n agos â chydweithwyr ar draws timau Diogelu'r Amgylchedd a Chynllunio (EPP) a Gweithrediadau, ochr yn ochr â swyddogion o Lywodraeth Cymru a chynrychiolwyr y sector. Drwy wneud hynny, byddwch yn cefnogi cyfrifoldebau CNC o dan y gyfundrefn tir halogedig (Rhan 2A), gan sicrhau ein bod yn cynnal y safonau uchaf o ran rheoli tir a diogelu'r amgylchedd.

I wneud ymholiad anffurfiol am y rôl hon, cysylltwch â Trystan James at Trystan.James@cyfoethnaturiolcymru.gov.uk 

Bydd cyfweliadau’n cael eu cynnal ar Microsoft Teams​.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau

Yr hyn y byddwch chi’n ei wneud

• Paratoi asesiadau technegol, gan ddefnyddio amrywiaeth o wybodaeth a data cymhleth.
• Rheoli’r gwaith o baratoi deunydd i gyfarwyddo datblygiad dogfennau polisi, cyngor ac arweiniad CNC, Llywodraeth Cymru a phartneriaid eraill; rheoli datblygiad gweithdrefnau, offer a chanllawiau ac arwain y gwaith o gyflwyno ffyrdd newydd o weithio.
• Cydgysylltu â rhanddeiliaid allanol fel Llywodraeth Cymru, cynrychiolwyr y sector a phartneriaid i sicrhau bod rhwymedigaethau prosiectau, polisïau neu strategaethau yn cael eu cyflawni’n amserol ac yn effeithiol.
• Cynghori ar anghenion a chyfleoedd tystiolaeth a rheoli prosiectau tystiolaeth y cytunwyd arnynt, yn unol â'r rhaglen dystiolaeth y cytunwyd arni.
• Cefnogi ymgysylltiad â sectorau a phartneriaid, Llywodraeth Cymru, Defnyddwyr Dŵr, Awdurdodau Lleol, diwydiant a’r rhai sy’n dibynnu ar ddŵr daear yng Nghymru a’r DU; a bod yn bwynt cyswllt arweiniol ar gyfer ymholiadau cwsmeriaid
• Bydd angen ymweld â safleoedd a mynychu digwyddiadau llygredd pan fo hynny'n ofynnol gan y busnes
• Cynnal gwybodaeth am Wyddor Tir Halogedig gan nodi goblygiadau newidiadau o ran deddfwriaeth, technoleg a’r farchnad i Cyfoeth Naturiol Cymru a'r sector(au) cysylltiedig.
• Cyfrannu at grwpiau gorchwyl a gorffen, a gomisiynir drwy’r Byrddau Busnes, i baratoi cynhyrchion diffiniedig yn ôl yr angen.
• Cydweithio â'r Arweinydd Tîm i ddatblygu a chyflwyno Cynllun Datblygu Personol y cytunwyd arno.  
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth o’r canlynol: Deddfwriaeth Cymru, y DU a'r UE sy'n ymwneud â Thir a Gwastraff Halogedig; gyrwyr polisi Llywodraeth Cymru, y DU a Chymru o ran Tir Halogedig; a'r problemau a'r cyfleoedd yng Nghymru.
2. Gwybodaeth a dealltwriaeth ymarferol o'r ystod o bartneriaid a rhanddeiliaid a diwydiannau sy'n ymwneud â Thir Halogedig yng Nghymru.
3. Profiad o ddadansoddi technegol a dehongli amrywiaeth o wybodaeth amgylcheddol gymhleth a ffynonellau data; dadansoddi setiau data mawr.
4. Profiad fel arbenigwr tir halogedig neu fel hydroddaearegydd neu fel rheolydd o fewn ymgynghoriaeth.
5. Cymhwyster lefel gradd ôl-raddedig mewn tir halogedig/hydroddaeareg neu gyfwerth.

Gofynion y Gymraeg

• Hanfodol: A1 - Lefel mynediad (gallu defnyddio a deall ymadroddion a chyfarchion syml, sylfaenol, dim Cymraeg sgyrsiol)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon