Arbenigwr Arweiniol Ansawdd Dŵr Morol

Tîm / Cyfarwyddiaeth: Prosiectau Dŵr a Natur / Tystiolaeth, Polisi a Thrwyddedu

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad Cyfnod Penodol tan 31/03/2026 Penodiad Tymor Penodol tan 31/03/2026 Efallai y bydd y posibilrwydd y bydd y penodiad hwn yn cael ei ymestyn neu y bydd yn swydd barhaol yn ddiweddarach, ond ni ellir gwarantu hyn

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweliad: 24 & 25 Gorffennaf 2025

Rhif swydd: 203970

Y rôl

Byddwch yn arwain y gwaith o ddatblygu a chyflawni prosiect i symud elfennau ansawdd dŵr morol y rhaglen maetholion ardaloedd cadwraeth arbennig (ACA) yn eu blaen, gan adrodd i’r Bwrdd Rhaglen. Bydd hyn yn cynnwys sicrhau cysondeb y dull ag elfennau afonydd a llynnoedd y rhaglen maetholion ACA, ac nad yw dyletswyddau cyfreithiol Cyfoeth Naturiol Cymru mewn perthynas â’r gyfarwyddeb cynefinoedd a’r gyfarwyddeb fframwaith dŵr yn cael eu peryglu.

Byddwch yn darparu’r arweinyddiaeth arbenigol wrth ddatblygu, cydlynu a chyflawni ffrwd waith ansawdd dŵr morol fel rhan o raglen ansawdd dŵr ardal cadwraeth arbennig ehangach. Bydd y rôl hon yn adeiladu ar y gwaith a wnaed gan brosiect maetholion afonydd ardaloedd cadwraeth arbennig i asesu’r gofynion sy’n gysylltiedig ag effaith nitrogen anorganig toddedig ar ardaloedd cadwraeth arbennig morol. Byddwch yn rheoli’r gwaith o baratoi polisi, strategaethau a chanllawiau Cyfoeth Naturiol Cymru sy’n gysylltiedig â maetholion mewn ardal cadwraeth arbennig morol.  Byddwch yn gweithio gydag arweinwyr llif gwaith rhaglenni eraill, staff ansawdd dŵr a’r môr, cynrychiolwyr Llywodraeth Cymru a’r sector.  Mae’r rôl yn rhan o’r tîm Prosiectau Dŵr a Natur yn y Grŵp Dŵr a Natur Cynaliadwy.

Fel sefydliad, rydym yn cefnogi gweithio hyblyg. Byddwch yn cael eich contractio i’r swyddfa CNC agosaf i’ch cartref, a bydd patrwm gweithio hybrid addas yn cael ei gytuno pan gewch eich penodi. Bydd unrhyw gyfarfodydd neu hyfforddiant wyneb yn wyneb rheolaidd yn cael eu cynllunio ymlaen llaw.

Mae’n bosibl y caiff y penodiad hwn ei ymestyn neu y daw’r swydd yn un barhaol yn ddiweddarach, ond ni ellir gwarantu hyn.

I wneud ymholiad anffurfiol am y rôl hon, cysylltwch â Rhian Thomas yn rhian.thomas@cyfoethnaturiolcymru.gov.uk.

Bydd cyfweliadau’n  cael eu cynnal ar Microsoft Teams

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4 i 8 wythnos i'r dyddiad cau.

Amdanom ni

Byddwch yn gweithio o fewn y tîm Prosiectau Dŵr a Natur newydd o fewn yr Adran Rheoli Adnoddau Naturiol yn y Gyfarwyddiaeth Tystiolaeth, Polisi a Thrwyddedu. Tîm newydd yw hwn a fydd yn cyflwyno strategaethau newydd sy’n ymwneud â phroblemau ansawdd dŵr mewn ardaloedd gwarchodedig.

Yr hyn y byddwch chi’n ei wneud

• Arwain a rheoli prosiectau ar faterion penodol a chymhleth sy’n gofyn am ddatblygu offer, polisïau, strategaethau, cynlluniau a rhaglenni Cyfoeth Naturiol Cymru, sy’n gysylltiedig â gwelliannau ansawdd dŵr morol gyda’r nod o gyflawni niwtraliaeth maetholion mewn ardaloedd cadwraeth arbennig morol yr effeithir arnynt, gan gynnwys yn nalgylchoedd yr afonydd uchod. 
• Rhoi cyngor statudol i Lywodraeth Cymru a chyrff lleol a chenedlaethol eraill yng Nghymru ar atebion ansawdd dŵr, gan gynnwys ymyriadau fel mesurau digolledu a chyfrifwyr maetholion, ac yn eu tro adolygu a chynghori ar y polisi, y cynlluniau a’r strategaethau a gynhyrchir.
• Cadw perchnogaeth a goruchwyliaeth dros reoli ansawdd dŵr ardaloedd morol gwarchodedig er mwyn sicrhau uniondeb dulliau Cyfoeth Naturiol Cymru â bwriad polisi Llywodraeth Cymru, y Llywodraeth Ganolog a’r Undeb Ewropeaidd.
• Cynghori ar anghenion tystiolaeth a chyfleoedd, comisiynu tystiolaeth a rheoli prosiectau tystiolaeth, yn unol â’r rhaglen dystiolaeth y cytunwyd arni.
• Cynnal gwybodaeth ymarferol fanwl am reoli ansawdd dŵr mewn ardaloedd morol gwarchodedig (gyda ffocws ar faetholion) gan nodi goblygiadau newidiadau deddfwriaethol, technolegol a marchnadol i Cyfoeth Naturiol Cymru a’r sector(au).
• Cyfrannu at grwpiau gorchwyl a gorffen, a gomisiynir drwy’r byrddau rhaglen a busnes, er mwyn paratoi cynhyrchion diffiniedig yn ôl yr angen.
• Llywio’r trosolwg a pherchnogaeth o’r ymgysylltu â Llywodraeth Cymru ar y meysydd polisi penodol sy’n gysylltiedig â rheoli maetholion ardaloedd morol gwarchodedig.
• Cydweithio ag arweinydd y tîm i ddatblygu a chyflawni Sgwrs y cytunwyd arni.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.#

1. Gwybodaeth am ddeddfwriaeth Cymru, y DU a’r UE sy’n ymwneud â chynllunio, asesu a rheoli ansawdd dŵr (yn enwedig maetholion), gan gynnwys ardaloedd cadwraeth arbennig; ysgogwyr polisi llywodraethau Cymru a’r DU a’r UE mewn ardaloedd morol gwarchodedig a chynllunio, asesu a rheoli ansawdd dŵr (yn enwedig maetholion); a’r materion a’r cyfleoedd yng Nghymru. 
2. Gwybodaeth a dealltwriaeth ymarferol o sut i oresgyn y blaenoriaethau cymhleth, y sbardunau a’r rhwystrau a wynebir gan Cyfoeth Naturiol Cymru, partneriaid a rhanddeiliaid sy’n ymwneud â chyflawni gwelliannau ansawdd dŵr ardaloedd morol gwarchodedig, gan gynnwys rheoleiddio, rheoli a chynllunio datblygu. 
3. Gwybodaeth dechnegol a phrofiad da mewn egwyddorion ac ymyriadau adfer ansawdd dŵr a fydd yn cyflawni gwelliannau i ansawdd dŵr morol yn ogystal â manteision lluosog ehangach i fioamrywiaeth ac ardaloedd morol gwarchodedig.
4. Dealltwriaeth drwyadl o faterion maetholion ansawdd dŵr ardaloedd morol gwarchodedig, a’r ystod gymhleth o sbardunau a rhwystrau i gyflawni.
5. Profiad o weithio mewn amgylchedd rheoli rhaglenni a phrosiectau, a rheoli prosiectau a/neu gymwysterau yn y maes hwn. 
6. Byddwch yn aelod o sefydliad proffesiynol perthnasol a/neu’n gweithio tuag at fod yn aelod.
7. Cynrychioli’r sefydliad mewn materion proffil uchel a dadleuol yn y cylch gwaith cyhoeddus ac ar lefel genedlaethol.
8. Profiad amlwg o weithio mewn partneriaeth lwyddiannus ar draws amrywiaeth o sectorau gan gynnwys, er enghraifft, cwmnïau dŵr, awdurdodau lleol, sefydliadau anllywodraethol amgylcheddol, cynllunwyr a datblygwyr.
9. Rhannu eich gwybodaeth a’ch arbenigedd er mwyn helpu i ddatrys problemau, gan gynorthwyo pob pennaeth busnes yn y Gyfarwyddiaeth Tystiolaeth, Polisi a Thrwyddedu yn ôl yr angen.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.