Rhaglen Weithredu Genedlaethol ar Fawndiroedd
Y Rhaglen Weithredu Genedlaethol ar Fawndiroedd
Mae’r Rhaglen Weithredu Genedlaethol ar Fawndiroedd yn gynllun strategol ar gyfer adfer mawndiroedd yng Nghymru.
Mae angen gweithredu ar frys ar fawndiroedd Cymru i fynd i’r afael â’r argyfyngau natur a hinsawdd. Mae mawndiroedd yn cynnal amrywiaeth o gynefinoedd a rhywogaethau, ac maen nhw’n gwneud y canlynol:
- dal a storio carbon
- rheoleiddio nwyon tŷ gwydr
- cynnal bioamrywiaeth
- rheoleiddio dŵr
Sefydlwyd y rhaglen hon sydd wedi’i hariannu gan Lywodraeth Cymru i gydlynu’r gwaith o weithredu i adfer mawndiroedd yng Nghymru.
Gwaith adfer
Mae gan y Rhaglen Weithredu Genedlaethol ar Fawndiroedd chwe blaenoriaeth:
- Erydiad mawndir
- Draenio mawndir
- Rheoli mawndiroedd yr ucheldir yn gynaliadwy
- Rheoli mawndiroedd yr iseldir yn gynaliadwy
- Adfer mawndiroedd wedi'u coedwigo
- Adfer mawndiroedd sydd â'r allyriadau carbon uchaf yn raddol
Y nod yw treblu'r gyfradd flynyddol o adfer mawndir erbyn 2030/31. Mae hyn yn adeiladu ar lwyddiant cyflawni cyfnod cyntaf y Rhaglen, cyfnod pum mlynedd (2020-25), a ragorodd ar ei darged gwreiddiol o adfer 3,000 hectar, drwy gyflawni mwy na 3,600 hectar o waith adfer.
Mae'r rhaglen hefyd yn anelu i ddiogelu mawndiroedd sydd mewn cyflwr da a chyflwr sy'n gwella.
Grantiau i adfer mawndiroedd
Mae gennym gyllid grant ar gael ar gyfer prosiectau adfer mawndiroedd.
Porth Data Mawndiroedd Cymru
Mae Porth Data Mawndiroedd Cymru yn dangos ymhle mae mawndiroedd a’r ardaloedd sydd angen eu hadfer. Mae’r mapiau rhyngweithiol yn cynnwys:
- cynefinoedd sy'n cael eu cynnal gan fawn
- amcangyfrifon o'r carbon sy'n cael ei storio mewn mawndiroedd yng Nghymru
- amcangyfrifon o allyriadau nwyon tŷ gwydr
Rydym yn diweddaru'r Porth wrth i fawndiroedd gael eu hadfer. Bydd hyn yn cynnwys yr effeithiau ar gyflwr mawndiroedd, bioamrywiaeth a lliniaru newid hinsawdd.
Dysgwch fwy am haenau Porth Data Mawndiroedd.
Dilyn gwaith y rhaglen
Dilynwch ni ar gyfryngau cymdeithasol @PeatlandCymru
#AdferMawndirCymru #NaturUwchCarbonIs
2025-2030 cynllun cryno Adfer Mawndir Cymru
Darllenwch ein hadroddiad chweched flwyddyn (2025-26) (PDF) (Cymraeg)
Ewch i’n rhestr chwarae ar YouTube i weld ein fideos ar waith adfer mawndiroedd ar draws Cymru
2020-2025 adolygiad 5 mlynedd y Rhaglen Weithredu Genedlaethol ar Fawndiroedd (PDF)
Darllenwch ein hadroddiad pumed flwyddyn (2024-25) (PDF) (Cymraeg)
Darllenwch ein hadroddiad pedwerydd flwyddyn (2023-24) (PDF) (Cymraeg)
Darllenwch ein hadroddiad trydydd flwyddyn (2022-23) (PDF) (Cymraeg)
Darllenwch ein hadroddiad ail flwyddyn (2021-22) (PDF) (Saesneg yn unig)
Darllenwch ein hadroddiad blwyddyn gyntaf (2020-21) (PDF) (Saesneg yn unig)
Rhaglen Weithredu Genedlaethol ar Fawndiroedd 2020-2025 (PDF) (Saesneg yn unig)
Rhaglen Weithredu Genedlaethol ar Fawndiroedd – Gweithredoedd Allweddol Blynyddoedd 1-5 (PDF) (Saesneg yn unig)
Adnoddau addysg am fawndiroedd
Rhestr Termau Gweithgareddau Adfer Mawndir (PDF)
Animeiddiadau o stori mawndir Cymru a’r rheswm am ei adfer
Rhaglen Weithredu ar Fawndiroedd Cymru
Mae gan y rhaglen rôl genedlaethol strategol o gefnogi prosiectau lleol Gweithredu ar Fawndiroedd Cymru ledled y wlad. Mae rhai o’r rhain yn cael eu rheoli gan Cyfoeth Naturiol Cymru ac eraill gan bartneriaid allanol.
Prosiect LIFE Corsydd Môn a Llŷn
Cysylltu â ni
Cysylltwch â ni am fwy o wybodaeth am y rhaglen npap@cyfoethnaturiolcymru.gov.uk