Datganiad hygyrchedd ar gyfer porth swyddi CNC (Kallidus Recruit)

Mae'r datganiad hygyrchedd hwn yn berthnasol i'r porth mewnol ac allanol.

Cyfoeth Naturiol Cymru (CNC) sy’n rhedeg y wefan hon. Rydym am weld cymaint o bobl â phosib yn defnyddio'r wefan hon. Er enghraifft, mae hynny'n golygu y dylech allu gwneud y canlynol:

newid lliwiau, lefelau cyferbyniad a ffontiau
chwyddo hyd at 300% heb i'r testun gael ei golli oddi ar y sgrin
gwe-lywio'r rhan fwyaf o'r wefan gan ddefnyddio bysellfwrdd yn unig
gwe-lywio'r rhan fwyaf o'r wefan gan ddefnyddio meddalwedd adnabod llais
gwrando ar y rhan fwyaf o’r wefan gan ddefnyddio rhaglen darllen sgrin (gan gynnwys y fersiynau diweddaraf o JAWS, NVDA a VoiceOver)

Rydym hefyd wedi sicrhau bod testun y wefan mor syml â phosibl i'w ddeall.

Mae cyngor ar gael gan AbilityNet ynghylch gwneud eich dyfais yn haws ei defnyddio os oes gennych chi anabledd.

Pa mor hygyrch yw'r wefan hon

Gwyddom nad yw rhai rhannau o’r wefan hon yn gwbl hygyrch:

mae angen sgrolio dau ddimensiwn i weld holl gynnwys y dudalen we
ni ellir rhyngweithio â phob cydran rhyngwyneb defnyddiwr gan ddefnyddio bysellfwrdd
nid yw'r copi yn bodloni gofynion cyferbyniad
nid yw iaith y dudalen wedi'i diffinio
mae strwythur y pennawd yn anghywir

Adborth a manylion cyswllt

Os:

ydych yn dod o hyd i unrhyw broblemau nad ydynt wedi'u rhestru ar y dudalen hon neu’n meddwl nad ydym yn bodloni gofynion hygyrchedd
oes arnoch angen gwybodaeth ar y wefan hon mewn fformat gwahanol, fel PDF hygyrch, print bras, fersiwn hawdd ei darllen, recordiad sain neu braille

gallwch wneud y canlynol:

ein ffonio ni ar 0300 065 3000 (Llun-Gwener, 9am-5pm)
anfon e-bost at ymholiadau@cyfoethnaturiolcymru.gov.uk
ysgrifennu atom yn:

Cyfoeth Naturiol Cymru
Swyddfeydd Llywodraeth Cymru
Parc Cathays
Rhodfa'r Brenin Edward VII
Caerdydd
CF10 3NQ

Byddwn yn ystyried eich cais ac yn cysylltu â chi ymhen 5 diwrnod gwaith.

Gweithdrefn gorfodi

Y Comisiwn Cydraddoldeb a Hawliau Dynol sy’n gyfrifol am orfodi Rheoliadau Hygyrchedd Cyrff Sector Cyhoeddus (Gwefannau ac Apiau Symudol) (Rhif 2) 2018 (y ‘rheoliadau hygyrchedd’). Os nad ydych yn hapus gyda'r ffordd rydym yn ymateb i'ch cwyn, cysylltwch â'r Gwasanaeth Cynghori a Chefnogi Cydraddoldeb.

Gwybodaeth dechnegol am hygyrchedd y wefan hon

Mae Cyfoeth Naturiol Cymru wedi ymrwymo i wneud ei wefannau yn hygyrch, yn unol âRheoliadau Hygyrchedd Cyrff Sector Cyhoeddus (Gwefannau ac Apiau Symudol) (Rhif 2) 2018.

Statws cydymffurfio

Mae'r wefan hon yn cydymffurfio'n rhannol â'rCanllawiau Hygyrchedd Cynnwys Gwe fersiwn 2.2, safon AA. Rhestrir yr achosion o beidio â chydymffurfio isod.

Cynnwys anhygyrch

Nid yw'r cynnwys a restrir isod yn hygyrch am y rhesymau canlynol:

Diffyg cydymffurfio â'r rheoliadau hygyrchedd

Mae'r rheolydd 'Ie neu Na' ar y dudalen we 'Eich Cyfrif - Rhybuddion Swyddi' yn brin o label testun cysylltiedig na theitl disgrifiadol. Heb label, nid oes unrhyw wybodaeth ar gael i ddarparu ymarferoldeb na chyd-destun am y rheolydd ffurflen i ddefnyddwyr darllenwyr sgrin. Nid yw hyn yn bodloni maen prawf llwyddiant 1.1.1 WCAG 2.2 - cynnwys di-destun.