Adrodd am argyfyngau yn Aber Afon Dyfrdwy
Adrodd am argyfwng
Dylai pob argyfwng yng Ngwarchodfa Dyfrdwy sy'n cynnwys cwch, unigolyn yn y dŵr neu gael eich dal gan y llanw gael eu hadrodd ar unwaith i Wylwyr y Glannau Ei Mawrhydi:
- defnyddiwch Sianel VHF 16
neu - ffoniwch 999 a gofynnwch am Wylwyr y Glannau
Adroddwch bob sefyllfa frys arall i'r gwasanaeth argyfwng priodol h.y. yr heddlu, y gwasanaeth tân neu ambiwlans.
Gwybodaeth y dylech ei darparu
- Eich enw
- Enw eich cwch/yr anafedig
- Safle eich cwch/yr anafedig: lledred a hydred neu fel cyfeiriant a phellter o dirnod
- Crynodeb o'r digwyddiad, er enghraifft, unigolyn yn y dŵr neu gwch ar dân/yn suddo
- Nifer y bobl yr effeithir arnynt
- Os bydd pobl ar goll, rhowch eu nifer a disgrifiad cryno
- Beth yw eich pryder mwyaf uniongyrchol
- Manylion cyswllt
Beth yw argyfwng?
Ystyrir bod argyfwng yn ddigwyddiad sydd yn cael, neu a allai gael, effaith niweidiol ar fywyd dynol, eiddo neu'r amgylchedd.
Gall hyn, er enghraifft, godi o ganlyniad i ddamwain, digwyddiad neu sefyllfa a allai fod yn beryglus sy'n ymwneud ag un neu fwy o gychod.
Diffinnir y digwyddiadau hyn mewn rheoliadau sy'n nodi'r Gofynion Adrodd Statudol ar gyfer llongau, cychod pysgota a chychod hamdden mewn amgylchiadau o'r fath.
Rhagor o wybodaeth
Cewch ragor o wybodaeth ynglŷn ag adrodd am argyfwng o fewn y canllawiau manwl Diogelwch Morol yng Ngwarchodaeth Dyfrdwy (Saesneg in unig).