Cysylltu ag ymgyngoreion cyn i chi wneud cais am drwydded forol
Trafodwch eich gwaith arfaethedig ag ymgyngoreion cyn gynted â phosibl cyn i chi wneud cais.
Bydd ymgyngoreion yn eich cynghori ar sut i ddatrys unrhyw faterion cyn i chi gyflwyno eich cais i ni.
Byddwn yn gofyn i chi lanlwytho copïau o'ch gohebiaeth ag ymgyngoreion i'ch cais am drwydded forol.
Gyda phwy mae'n rhaid i chi gysylltu
Rhaid i chi gael cadarnhad na fydd eich gwaith arfaethedig yn peri risg i eraill.
Rhaid i chi gysylltu â'r ddau sefydliad isod:
- Asiantaeth y Môr a Gwylwyr y Glannau: navigationsafety@mcga.gov.uk
- Tŷ'r Drindod: navigation@trinityhouse.co.uk
Rhowch yr wybodaeth ganlynol iddynt:
- lleoliad y gweithiau – ar fap môr neu ddelwedd lloeren/map lle bo modd
- amseru a hyd y gwaith, ac a fydd yn digwydd gyda'r nos pan fo'r gwelededd yn isel
- disgrifiad byr o’r gweithgareddau, gan gynnwys:
- unrhyw sgaffaldiau neu offer trwm a ddefnyddir
- a fydd y gwaith yn digwydd o'r tir neu'r dŵr
- os byddwch yn defnyddio unrhyw gychod
- unrhyw effeithiau posibl ar ddiogelwch o ran mordwyo (fel cau dyfrffordd neu leihau'r uchder clirio o dan bont) a pha fesurau lliniaru risg yr ydych yn bwriadu eu rhoi ar waith
- a yw'r gwaith o fewn awdurdodaeth awdurdod harbwr statudol ai peidio – dylech wirio gyda'r harbwr/marina lleol a oes un
Gwaith tynnu neu reoli traeth
Os yw eich gwaith yn cynnwys unrhyw fath o waith tynnu (fel tyllau turio neu samplu gwaddodion) neu waith rheoli traeth, rhaid i chi gael cadarnhad na fydd unrhyw nodweddion archaeolegol yn cael eu heffeithio'n andwyol gan yr hyn yr ydych am ei wneud.
Yn ogystal â chysylltu â Thŷ'r Drindod ac Asiantaeth y Môr a Gwylwyr y Glannau, rhaid i chi gysylltu â’r canlynol:
- Heneb – Archaeoleg i Gymru – Cartref pedair Ymddiriedolaeth Archaeolegol Cymru
- Comisiwn Brenhinol Henebion Cymru: nmr.wales@rcahmw.gov.uk
Rhowch yr wybodaeth ganlynol iddynt:
- lleoliad y gweithiau – ar fap môr neu ddelwedd lloeren/map lle bo modd
- cyfesurynnau penodol mewn fformat lledred a hydred
- amseru a hyd y gwaith
- disgrifiad byr o'r gweithgareddau
Cael cyngor ar yr effaith bosibl ar yr amgylchedd morol
Ar gyfer gwaith hyd at 12 milltir forol, dylech drafod eich cynigion gyda thîm cynghori CNC marine.advice@cyfoethnaturiolcymru.gov.uk.
Ar gyfer gwaith ar y môr (12 milltir forol neu fwy allan i'r môr), dylech ymgynghori â'r Cyd-bwyllgor Cadwraeth Natur.
Gall y ddau asesu a oes unrhyw effaith bosibl ar yr amgylchedd morol.
Rhowch yr wybodaeth ganlynol iddynt:
- lleoliad y gweithiau – ar fap môr neu ddelwedd lloeren/map lle bo modd
- amseru a hyd y gwaith
- disgrifiad byr o'r gweithgareddau
- pwy fydd yn gwneud y gweithgareddau
Ymgyngoreion eraill
Yn dibynnu ar y gweithgareddau rydych am eu gwneud, a ble rydych am eu gwneud, efallai y byddwch am ymgynghori â sefydliadau eraill cyn i chi wneud cais am drwydded, gan gynnwys:
- Awdurdod cynllunio lleol
- Awdurdod harbwr lleol
- Porthladd lleol
- Siambr Morgludiant
- Y Weinyddiaeth Amddiffyn
- Gwasanaethau Traffig Awyr Cenedlaethol
- Iechyd Cyhoeddus Cymru
- Cadw
- Y Gymdeithas Frenhinol er Gwarchod Adar
- Y Gymdeithas Hwylio Frenhinol
- Ystad y Goron
- Cymdeithas Pysgotwyr Cymru
- Ffederasiwn Cenedlaethol Sefydliadau Pysgotwyr
Os credwch y gallai eich prosiect ddenu diddordeb y cyhoedd, ymgysylltwch â chymunedau cyn i chi wneud cais am drwydded.
Taliadau ymgyngoreion
Gall rhai ymgyngoreion godi tâl am gyngor. Cysylltwch â nhw cyn gynted â phosibl fel eich bod yn ymwybodol o'u costau.