Gwneud cais am drwydded gwastraff rheolau safonol newydd

Defnyddiwch y gwasanaeth hwn i wneud cais am drwydded rheolau safonol gwastraff newydd.

Cyn i chi ddechrau

Mae angen i chi wybod:

• manylion y gweithredwr a’r tirfeddiannydd
• manylion y safle
• unrhyw gyfeirnod cyn ymgeisio
• y rheol neu reolau safonol o ran gwastraff yr ydych yn gwneud cais amdani/amdanynt
• gallu technegol y gweithredwr
• manylion systemau rheoli
• a yw troseddau yn effeithio ar bobl berthnasol
• a yw ansolfedd neu fethdaliad yn effeithio ar bobl berthnasol
• ynghylch hawlio cyfrinachedd a diogelwch gwladol
• pa ddatganiadau i’w gwneud
• costau trwyddedau gwastraff
• sut i dalu
  
  

Dogfennau i'w uwchlwytho

1. Tystiolaeth bod gan y gweithredwr allu technegol, neu ei fod yn gweithio tuag at gymhwyster perthnasol
   
   
2. Oni bai eich bod yn gwneud cais am drwydded i weithredu offer symudol, bydd angen cynllun safle arnom sydd:

• yn cynnwys ffin y safle wedi ei farcio mewn gwyrdd
• yn nodi'r rhan o'r safle rydych am wneud eich gwaith neu weithrediadau gwastraff ynddi
• yn cynnwys nodweddion lleol i'n helpu i osod y safle yn ei amgylchedd lleol
• wedi'i luniadu i raddfa ddiffiniedig
• yn cynnwys dyddiad

3. I wneud cais i ddodi gwastraff ar dir i'w adfer, bydd angen i chi ddarparu cynllun adfer gwastraff. Rydym yn argymell eich bod yn anfon eich cynllun atom cyn i chi ddechrau'r cais hwn.
   
   
4. Os ydych am hawlio cyfrinachedd neu ddiogelwch gwladol, bydd angen i chi gyflwyno tystiolaeth.
   
   

Graddfeydd amser

Byddwn yn gwneud penderfyniad cyn pen tri mis o dderbyn cais cyflawn a'r ffi gywir.

Byddwn yn gwirio eich cais ac yn cadarnhau a yw’n gyflawn ac, os bydd yn gyflawn, fe’i nodir fel hyn: ‘wedi’i wneud yn briodol’. Os na fydd yn gyflawn, efallai y byddwn yn gofyn am ragor o wybodaeth gennych. Nid yw’r amserlen benderfynu o dri mis yn dechrau nes byddwn wedi ystyried bod y cais ‘wedi’i wneud yn briodol’.