Prynu trwydded pysgota â gwialen
Bydd angen trwydded pysgota â gwialen ddilys arnoch chi os ydych yn 13 oed neu’n hŷn, ac yn pysgota eog, brithyll, pysgod dŵr croyw, brwyniaid neu lysywod:
- yng Nghymru
- yn Lloegr (ac eithrio afon Tweed)
- yn ardal gororau Esk yn yr Alban.
Mae’n rhaid i chi gario eich trwydded pysgota â gwialen bob tro rydych yn pysgota neu gallwch wynebu erlyniad a chael eich dirwyo hyd at £2,500.
Cael trwydded pysgota â gwialen
Nid CNC sy’n rhoi trwyddedau pysgota â gwialen. Ewch i GOV.UK i gael yr holl wybodaeth sydd ei hangen arnoch i’ch helpu i brynu trwydded, fel:
- mathau o drwyddedau a chyfyngiadau ar wialenni
- costau trwyddedau
- amnewid neu ddiweddaru eich trwydded
Gallwch hefyd gael trwydded pysgota â gwialen i oedolion:
- drwy ffonio Asiantaeth yr Amgylchedd: 0344 800 5386 (gwybodaeth am gost y galwadau)
- mewn Swyddfa Bost
Os ydych yn bwriadu ymweld â Chymru o dramor, gallwch brynu trwydded ar-lein. Rhowch y cyfeiriad y byddwch yn aros ynddo a chadwch eich e-bost cadarnhau fel tystiolaeth bod gennych drwydded.
Ymestyn, amnewid neu ddiweddaru eich trwydded
Ffoniwch Asiantaeth yr Amgylchedd ar 03708 506 506:
- i amnewid trwydded
- i newid eich trwydded
- os nad ydych wedi cael eich trwydded o fewn 15 diwrnod ar ôl talu amdani.
I ymestyn trwydded undydd neu drwydded 8 diwrnod, ffoniwch Asiantaeth yr Amgylchedd: 0344 800 5386.
Gwybodaeth am gost y galwadau.
Is-ddeddfau genweirio (rheolau pysgota)
Wrth bysgota dŵr croyw, mae'n rhaid i chi ddilyn yr is-ddeddfau (rheolau) hyn.