Hafan > Ar grwydr > Lleoedd i ymweld â hwy > Gogledd Orllewin Cymru

Coedwig Beddgelert, ger Porthmadog

Coedwig dawel yng nghanol Parc Cenedlaethol Eryri

Dyn a menyw yn edrych ar yr olygfa dros y mynyddoedd

Beth sydd yma

Cŵn

Beicio mynydd

Parcio

Picnic

Llwybr cerdded

Gwybodaeth am y coronafirws

Mae holl feysydd parcio, ardaloedd chwarae a blociau toiledau Adnoddau Naturiol Cymru (CNC) ar gau o 23 Mawrth 2020.

Mae’r llwybrau beicio mynydd ar gau. Bydd dim gwaith cynnal a chadw ar ein llwybrau beicio mynydd am gyfnod amhenodol.

Er mwyn cael rhagor o wybodaeth gweler ein prif dudalen ar y coronafirws.

Croeso

Mae coedwig enfawr hon yn drysor cudd o lwybrau cerdded a beicio, cyfleoedd ffotograffig a bywyd gwyllt.

Edrychwch ar y golygfeydd godidog ar draws Eryri, cael picnic ger llyn diarffordd Llyn Llywelyn a chlustfeiniwch am sain hen drenau Rheilffordd Ucheldir Cymru, sy’n rhedeg drwy’r goedwig ar eu taith o Gaernarfon i Borthmadog.

Yn ogystal â cherdded a beicio ar ein llwybrau sydd wedi’u cyfeirbwyntio, gallwch hefyd farchogaeth ceffylau ar ein llwybrau ceffylau a ffyrdd goedwig neu redeg ar y rhwydwaith hawliau tramwy cyhoeddus.

Llwybr cerdded

Llwybr Llyn Llywelyn

2¾ milltir, 4.4 cilomedr, cymedrol

Dyma lwybr cylchol gyda golygfeydd ar draws Coedwig Beddgelert i Eryri.

Mae’n cychwyn o’r maes parcio ac yn mynd drwy’r coetir i lyn diarffordd prydferth, Llyn Llywelyn.

Llwybrau beicio

Llwybr Bedwen

6 cilomedr, gradd ffordd goedwig neu debyg

Mae’r llwybr cylchol byr hwn yn werth yr ymdrech ac mae’r llyn yn le prydferth i gael saib gyda golygfa wych.

Llwybr Derwen

10.1 cilomedr, gradd ffordd goedwig neu debyg

Mae’r llwybr hwn yn daith hyfryd o ben gogleddol Coedwig Beddgelert gyda dringfa araf a graddol a golygfeydd cofiadwy i gyfeiriad pen dwyreiniol Parc Cenedlaethol Eryri.

Mae’n mynd heibio i’r llyn ar y ffordd yn ôl i’r maes parcio.

Llwybr arall

Mae llwybr aml-ddefnydd Lôn Gwyrfai, o Feddgelert i Rhyd-ddu, ym Mharc Cenedlaethol Eryri yn mynd drwy’r goedwig.

Ewch i wefan Parc Cenedlaethol Eryri am fwy gwybodaeth.

Cau a dargyfeirio

Sylwch:

Weithiau, rhaid inni gau neu ddargyfeirio llwybrau er eich diogelwch tra byddwn yn mynd i’r afael â gwaith cynnal a chadw neu weithrediadau coedwig
O dro i dro, efallai y bydd yn rhaid inni gau safle mewn tywydd eithafol, fel gwyntoedd cryfion neu eira a rhew, oherwydd y perygl posibl i ymwelwyr a staff
Cofiwch ddilyn unrhyw gyfarwyddiadau a welwch ar y safle, a gwnewch yn siŵr eich bod yn dilyn unrhyw arwyddion dargyfeirio dros dro sydd mewn grym

Sut i gyrraedd

Mae Coedwig Beddgelert 2 filltir i'r gogledd o bentref Beddgelert.

Gellir parcio yng Nghoedwig Beddgelert yn rhad ac am ddim.

Cyfarwyddiadau

Dilynwch ffordd A4085 o Feddgelert i gyfeiriad Caernarfon. Ar ôl 1 filltir, ewch heibio mynedfa Forest Holidays ac yna trowch i'r chwith nes cyrraedd llwybr. Dilynwch y llwybr hwn am 1/2 milltir i faes parcio Coedwig Beddgelert.